hit counter
free web counter
<$BlogDateHeaderDate$>
سيادة اللواء محمد مهدى عاكف ...دعوة للتضامن مع الامن






بعد أن علا صوت عمال المحلة بالاضراب ، وجاء الموقف المتأخر والمشكور من قوى المعارضة كفاية والعمل والاشتراكيين وكل القوى الوطنية ، ولا اقول المتأخر للتقليل من دورهم ، ولكن لانهم كانوا الاولى بدعوة العمال وكل الشعب للثورة والعصيان ، بوصفهم قادة حتى لو كانت قيادة شكلية !!!

اكثر الرائعين كانوا الشباب الذين تحمسوا للفكرة دون ان يكون لهم دافع سوى مصلحة الوطن ، ومن المدونين كثيرين هم ، الغريب والذى ادهشنى فعلا هو رغبة عدد من اعضاء الحزب الوطنى فى المشاركة ، وحين قلت لأحدهم هتعترض على الحكومة بتاعتكم ، قال انا مصــــــــــــــــــــــرى ، ياااااااااااااااه احرجنى واراحنى وانتظره معنا ، كان جميلا ايضا اعلان بعض شباب الاخوان انهم سيحضرون الاضراب ولن يؤيدوه شفهيا فقط .....

نأتى لسيادة اللواء ولااراه تجنيا عليه بل يستحقه بكل اقتدار ، فالبيان الصادر عن الجماعة والمذيل بتوقيع اللواء اقصد الاستاذ مهدى عاكف ، بيان يقبل فقط من وزير الداخلية أو من قوى المعارضة فى الدول الصديقة لتساندنا وتخبرنا بأن الاضراب حقنا وانه طريقة سلمية ثم يتمنون لنا التوفيق كما فعل سيادته ..

لم اقل لواء صدفة ولكن كلمات الرجل ذكرتنى بحوار صحفى مع حبيب العادلى ، وهو بالمناسبة لا يختلف كثيرا عن بيان الاخوان ، فالعادلى ايضا قال ان الاضراب والتظاهر حق مشروع للمواطنين ، بل وقال انه مع تنامى تلك الروح لانها تدل على نمو الديموقراطية ....كلامه حكم !!!

السيد مهدى عاكف والسادة من الاخوان
نحن نعلم سيدى ان الاضراب حقنا ولا ننتظر احدا يخبرنا بذلك ، وسنخرج أيضا معلنين إضرابنا ولم نكن ننتظر تأييدكم ، ما كنا ننتظر أن تكونوا معنا ، ان تكونوا مع الشعب الذى تقولون دوما انكم تعملون وتضطهدون وتعاقبون لاجله ، حتى اذا مااستفاق هذ الشعب قليلا وخرج مطالبا بحقوقه المشروعة رفعتم أيديكم ووفقتم من بعيد تقولون نعم انه حقكم ... ليكون اعلانكم بمثابة اجهاض لتحرك هذا الشعب وحقه الذى تزعمون تأييده !!!!!

خرجتم للدفاع عن غزة واعلان التضامن مع اهلها وهو واجب تشكرون عليه ، وخرجتم مدافعين عن حقكم فى تمثيل الشعب فى المحليات ، والان وبتناقض غريب ترفضون الخروج مع هذا الشعب الذى ترغبون فى تمثيله

لا ادرى ان كان هذا موقفى وحدى ...ولكن عدم خروج الجماعة فى هذا اليوم يفقدها الكثير من التأييد الشعبى بل ويلصق بها تهمة الحظر والتعاون مع الحكومة ، فقد نفينا الحظر الحكومى لتواجدها الشعبى ، واذا مافقدت هذا التواجد الشعبى فهى بالفعل محظووووورة فلا حكومة تؤيدها ولا شعب تقف بجانبه

ورغم كل شئ .......................................... ننتظركم


15 Comments:

اضراب غير مدروس

اضراب غير معروف مصدرة تحديدا

عواقبة غير مخطط لها تماما

هنشل نفسنا بنفسنا



انا مع الاضراب الفئوي الممنهج يعني لوظيفة او جهة معينة وتملي شروطها والكل يتنبه ليهم


لكن اضراب كدة وخلاص



وبعدين ميمكن جماعة الاخوان دا رايهم وفق خططهم اعتقد انه لا يجوز لكي يا اختي الفاضلة اتهام اللواء مهدي عاكف!!!!!!!!! بهذا الاسلوب وهو الرجل الذي قبع خلف السجون ما يزيد عن عشرين عاما في حب هذا الدين والوطن


وتعلمين ايضا انه حاليا لا يضحي من اجل الوطن ولا يعتقل او يحبس سوي الاخوان


فبالله عليكي لا تكيلي التهم جزافا


وحمدا لله علي سلامتك

4 أبريل 2008 4:21 م  

دكتور مصراوى
منور المدونة

حضرتك قلت عن الاضراب غير مدروس وغير مخطط وغير معروف المصدر

المصدر ببساطة العمال الناس اللى تعبانة بجد مش اللى بيقعدوا فى المؤتمرات والغرف المكيفة يتكلموا عن هموم الشعب

غير مدروس وغير مخطط اعتقد القوى الوطنية كلها تقوم بذلك وبدلا من القول بانه غير مدروس وغير مخطط اشتركوا فى دراسته والتخطيط له

ثم هل خروجكم فى مظاهرات للمحليات هى المخططة او حتى ذات جدوى

واعلم سيدى ان الاخوان ضحوا كثيرا واقسم على ذلك ولكن بأى هدف ولم لا يقدمون على تلك التضحية الان مع الشعب

تعليقى واللواء هى تعليق على موقف اراه سيؤثر فى كل المواقف القادمة ولا ينتقص منه بقدر ما ينتقص من موقفه

منور يا دكتور بجد

4 أبريل 2008 5:39 م  

رغيف العيش اهم من المحليات يا فضيله المرشد

4 أبريل 2008 7:22 م  

ياجماعة الإضراب إضراب شعب بحاله
شعب زهق من الظلم والفساد والإستبداد
مش مجرد حركة ولا جماعة ولا كام حزب أصلا مالهمش وجود على صفحات الجرايد
الشعب لو مش عاوز ده وبيفكر فيه لكانو الإخوان عرفوا يحركوه ولاكفاية ولا إبليس نفسه
وكلنا عارفين الشعب المصرى
مبتأثرش فى غير الشديد الأوى
هو ده شعب مصر وقت الأزمات
ومش الإخوان ولاكفاية ولا أحزاب إللى هيحركوه

مضرب مقدما
مضرب بجد
مضرب لإنى رافض حكومة مبارك
ورافض الإخوان كمان
ورافض الأحزاب
وعايز مصريين بيخافو ا على الشعب ده وعلى البلد دى وبس
تحياتى

5 أبريل 2008 4:40 ص  

مارو

مصر اهم من المحليات

منور ياباشا

5 أبريل 2008 5:56 ص  

والله الاستاذ المرشد اعلن الاضراب ولم يمنع احد من الاخوان ان يشاركوا فيه واللى عايز يروح يروح واللى مش عايز براحته
وكمان حقوق الشعب اللى يقدر يرجعها هوالشعب مش اى جماعه ولا حزب ومش معنى ان الاخوان لم يلعلنوا الاضراب بتكليف من المرشد يبقى الاخوان متعاونين مع الحكومة.
ولا احنا خلاص تركنا بلاوى الحكومه لما هنمسك فى عيوب الاخوان
هقول ايه بس يمكن الاخوان خايفين يروحوا الاضراب احسن يعتقلوا .

5 أبريل 2008 7:43 ص  

ساره

ازيك

انا معاكي يا ساره

الواحد ما صدق أن مصر اخيرا قامت وصحيت وفاقت

لكن للأسف الأخوان ليهم حساباتهم الضيقه أوي بيبصوا تحت رجليهم للأسف

يلا المهم ان مصر قامت يا ساره

أنا فرحان أوي النهارده مجرد اضراب سلمي بكره هاتبقي فيه ثوره شامله ان شاء الله تاخد كل الفاسدين وكل اللي ودوا مصر في ستين داهيه ربنا يا خدهم يارب

تحياتي ليكي يا ساره والف تقدير لشخصك الكريم

5 أبريل 2008 10:50 ص  

أضراب يوم واحد بس وتاني يوم حنروح الشغل عادي , يعني الحكومة دلوقتي بتقول :
أحنا حنستحمل يوم واحد بس زي شكة الدبوس وبعد كدة حنرجع للوضع اللي كنا علية (ودة اللي حيحصل فعلا ).
وفي رأي أن الأضراب لازم يطوووووووول أوي لغايط ما الحكومة تقول :
تحت أمركم عايزين أية ؟
ويظهر رجل يتكلم بأسم الشعب ويقول مطالب الشعب.
أيوة زي أحمد عرابي باشا .
بس مينفعش يوم واحد دة يبقى تهريج أوي.
وشكرا

5 أبريل 2008 12:00 م  

يعني ايه يا سارة حد يقوللي احنا حنعمل اضراب يوم كذا واشارك معاه؟؟؟؟

ادرس ازاي واخطط ازاي وانا المعاد اتفرض عليا؟؟؟؟ يعني بعد ايه ان شاء الله


ثانيا اة طبعا كل حاجة الاخوان بيعملوها مخططة كفاية انها نابعة من راي شوري مؤسسي النتايج دي بتاعت ربنا احنا علينا العمل فقط


وافرضي اننا درسنا وشايفين ان الكارت دا مش وقته ما كل واحد حر في تكتيكه يا سارة لية المزايدة؟؟


يعني انتي خرجتي من اجل غزة؟؟؟افرضي مخرجتيش معانا لما خرجنا يبقي معنا كدة انك مش بتناصري غزة....لا طبعا اكيد لا بس الوسائل بتختلف


وبعدين المحليات عشان مصر وغزة عشان فلسطين وكله عشان الاسلام ورضا ربنا


وبعدين محدش بيضحي زي الاخوان واحنا من الشعب يعني احنا مش منعزلين او بناكل كرواسون مثلا وتخلينا عن الشعب الغلبان اللي بيقف ف طوابير العيش دا بالعكس احنا ف قلب الناس


وللحوار بقية

تقبلي تحياتي يا سارة واختلاف الاراء لا يفسد للود قضية

5 أبريل 2008 2:04 م  

سارة
والله الأخوان "............." دايماً مواقفهم زبالة ومش بيدورا إلا على مصلحتهم الخاصة أولاً وبعدين مصلحة مصر ... أنا مستغرب من شباب الأخوان إللي كلام المرشد عندهم زى القرآن مينفعش يتناقشوا فيه وبيدافعوا عن المرشد والأخوان بعبط
هما كده ظهروا بوجوهم الحقيقية وبلاها بقي الشعارات الفاضية اللي قارفينا بيها ...

6 أبريل 2008 12:06 م  

بصراح انا ملاحظ ان رجال النت كلهم متحاملين اوي علي الاخوان
بالنسبة لموضوع ان الاخوان يشاركوا في الاضراب او ما يشاركوش ديت اولا حاجة ترجع لرأي جماعة الاخوان وزي ما انتم بتقولوا ان الشعب المصري بيتحرك من غير جماعات واحزاب زعلانين لية ان الاخوان ما شاركوش مادام الشعب بيتحرك لواحده حاجة غريبة جدا
ثانيا لية بقي اللي دعوا لاضراب ابريل وبيدعوا دلوقتي لاضراب مايو بيقولوا انهم ها يعملوا في اضراب مايو تنسيق وها يقولوا مطالب وها ينظموا الاضراب هو مش دة اللي كان الاخوان بيقولوه ولا دة غلط مش الاخوان كانوا بيقولوا كدة برده لية النظام اتغير بعد ضراب ابريل مادام الاخوان ما كانوش علي حق ودلوقتي بيتم كل اللي كانوا بيسألوا عليه ياريت ما يكونشي في تحامل من احد علي الاخوان الاخوان جماعة عريقة ولها تاريخها ولا يمكن ان تمحو في شئ لم تشارك فيه ومعلاوف ان الاخوان في الشسارع ولازالوا في الشارع

9 أبريل 2008 10:26 ص  

أنا شايف إن قرار الإخوان كان له إيجابيات كثيرة، أهمها أن لا يتهم الإضراب بأنه اتجار بالدين، وبمآسي الشعب،
ولعل الحكومة تفهم أنها تعادي الشعب، وليس فقط تعادي الإخوان..
كذلك، ليس من المنطقي أن يشارك الإخوان بصفتهم جماعة في إضراب يوم واحد، أو عصيان مدني ليوم واحد..
وإن كان منهم من شارك بصفته المهنية او النقابية. فهم لم يمنعوا أفراد الجماعة من المشاركة، وإنما الجماعة ككيان لم تشارك.
والفارق بينها كبير جدا، في الأثر وفي العواقب، على المشاركين وعلى الإخوان.

أحسب أن الإخوان أرادوا الخير، وإن خالفهم البعض.. ولكني لا أظن أنهم امتنعوا عن المشاركة من أجل صفقة مع الحكومة.. فإن كانت وجهات النظر اختلفت، فهذا لا ينبغي أن يفسد رأي الناس في بعضهم. فكل منهم رأى الخير في اتجاه.. وسعى إليه كما ظن انه أفضل للبلد.
والتحركات التي تقبل من نقابة غير التي تتوقع من حزب تختلف عن تلك المطلوبةمن جماعة.. فكل كيان له شكل محدد في التحركات..
والاحزاب عندما تدعوا تدعوا إلى مظاهرة أو عصيان مدني، أما سلاح الإضراب فهو سلاح النقابات..
والأمر كما رأينا تجاوز الإضراب ولم يصل إلى العصيان. بمعنى انه كان فعلا حركة غير مخططة.. ومن المغامرة أن أشارك بكيان مثل الإخوان - مع العلم بان الحكومة والإعلام وبعض المعارضة- تتربص بهم. وهم رأوا أن الضرر الذي تجلبه المشاركة عليهم وعلى الوطن أكبر من النافع المرجوة. ولو شاركوا لعلقت لهم المشانق في الطرق كما قال د. المسيري..

تحياتي.

13 أبريل 2008 1:33 م  

استاذه ساره ..
معكي حق في كل ما قلتي .. منذ البدايه وانا تملء الريبة قلبي من ناحية الأخوان .. ربما احملهم المسئولية لانهم ساعدوا الضباط الأحرار علي القيام بالثورة وبالتلي عشنا زمن طويل عبيد _ ونحن في كامل قوانا العقليه _ في قصر عبد الناصر .. ومن بعدها ياتون إلينا الأن ليتكلوا باسم الله وباسم الوطن وبسم الشعب .. ثم لا نجد منهم إلي التقدم للأنتخابات رافعين شعار (الإسلام هو الحل) .. (علي اساس اننا كنا كفرنا) .. وعند اول منعطف تركونا وفروا هاربين من المعركة الحقيقيه ..

قلت ما قلتي .. ولكن كنت اسمع من اعضاء الأخوان البسطاء الذين لا يعلمون عن جماعتهم الكثير عبارات مثل .. الاخوان متواجدون ولكن بطريقتهم هم لا بطريقتكم انتم .. و (الراجل مقلش حاجه غلط دا قال الي عاوز يخرج من الجماعه انا مش همنعه ) .. عبارات سازجة اكثر منها مستفزه .. تحياتي ساره

21 يونيو 2008 7:22 ص  

السلام عليكم
الميعاد قرب

11 مارس 2009 12:04 ص  

ربنا يسهل واللي جاي يكون منظم
ويكون أقوي
وأكثر فاعلية

11 مارس 2009 12:04 ص  

إرسال تعليق

<< Home